წესები და პირობები

1. მომსახურების მიმწოდებელი და წესების მიღება

პლატფორმას მართავს ინდ.მეწარმე GeoArea („GeoArea“, „ჩვენ“). რეგისტრაციით, განცხადების განთავსებით, ფასიანი მომსახურების შეძენით ან საიტის სხვაგვარად გამოყენებით თქვენ ადასტურებთ, რომ გაეცანით და ეთანხმებით წინამდებარე წესებს, კონფიდენციალურობის პოლიტიკას, Cookie-ს პოლიტიკასა და იმ სპეციალურ პირობებს, რომლებიც კონკრეტულ სერვისს ახლავს.

თუ რომელიმე პირობა თქვენთვის მიუღებელია, ნუ გამოიყენებთ შესაბამის ფუნქციას. მომხმარებლის კანონით მინიჭებული სავალდებულო უფლებები ამ დოკუმენტით არ იზღუდება.

2. პლატფორმის დანიშნულება

GeoArea აერთიანებს უძრავი ქონების მესაკუთრეებს, აგენტებს, სააგენტოებსა და დაინტერესებულ პირებს; უზრუნველყოფს განცხადების გამოქვეყნებას, ძიებას, კომუნიკაციასა და დამატებით ციფრულ სერვისებს. თუ კონკრეტული შეთავაზებისას წერილობით სხვა რამ არ არის ნათქვამი, GeoArea არ არის ქონების გამყიდველი, გამქირავებელი, მყიდველი, დამქირავებელი, ბროკერი, ნოტარიუსი ან გარიგების მხარე.

ჩვენ არ ვადასტურებთ ავტომატურად მესაკუთრის უფლებას, ქონების სამართლებრივ/ტექნიკურ მდგომარეობას, ფართობს, ფასს ან ფოტოების ნამდვილობას. მომხმარებელმა გარიგებამდე უნდა გადაამოწმოს საჯარო რეესტრის მონაცემები, მესაკუთრის/წარმომადგენლის უფლებამოსილება, ქონების მდგომარეობა და ხელშეკრულების პირობები.

3. ასაკი, რეგისტრაცია და ანგარიშის უსაფრთხოება

• ანგარიშის მფლობელი უნდა იყოს მინიმუმ 18 წლის და ქმედუნარიანი, ან მოქმედებდეს უფლებამოსილი ორგანიზაციის სახელით.
• სარეგისტრაციო მონაცემები უნდა იყოს ზუსტი, სრული და განახლებული.
• ერთი პირის მიერ შეცდომაში შემყვანი მრავალი ანგარიშის, სხვისი სახელით რეგისტრაციის ან ანგარიშის გადაცემის გამოყენება დაუშვებელია.
• პაროლისა და მოწყობილობის უსაფრთხოებაზე პასუხისმგებელია მომხმარებელი. უნებართვო წვდომის ეჭვისას დაუყოვნებლივ შეგვატყობინეთ.
• ტელეფონის დადასტურება რეგისტრაციისას ნებაყოფლობითია, მაგრამ პირველი განცხადების განთავსებამდე სავალდებულოა.

4. განცხადებები და მომხმარებლის ვალდებულებები

განცხადების ავტორი ადასტურებს, რომ არის მესაკუთრე ან ფლობს სათანადო უფლებამოსილებას; მითითებული ფასი, მისამართი, ფართობი, სტატუსი, საკონტაქტო მონაცემები და მედია არსებითად სწორია; მესამე პირის საავტორო, პერსონალურ ან სხვა უფლებებს არ არღვევს.

დეტალური მოთხოვნები განსაზღვრულია განცხადებებისა და საჩივრების წესებით. განცხადების შექმნისას ამ წესებზე თანხმობა ცალკე ფიქსირდება.

5. მომხმარებლის მასალა და ლიცენზია

მომხმარებელი ინარჩუნებს უფლებას მის მიერ ატვირთულ ტექსტზე, ფოტოზე და ვიდეოზე. პლატფორმაზე მასალის ატვირთვით მომხმარებელი გვაძლევს არაექსკლუზიურ, უსასყიდლო, ტერიტორიით შეზღუდულობის გარეშე მოქმედ უფლებას შევინახოთ, ტექნიკურად დავამუშაოთ, მოვარგოთ ზომა/ფორმატი, გამოვაქვეყნოთ და გავავრცელოთ მასალა მხოლოდ GeoArea-ს მუშაობის, განცხადების ჩვენების, ძიების, მოდერაციისა და მომხმარებლის მიერ არჩეული სარეკლამო სერვისის შესრულებისთვის.

ლიცენზია წყდება მასალის წაშლის შემდეგ, გარდა ტექნიკური სარეზერვო ასლებისა, კანონიერი მტკიცებულების შენახვისა და უკვე შესრულებული სარეკლამო განთავსებებისა.

6. მოდერაცია, შეზღუდვა და ანგარიშის შეჩერება

შეგვიძლია ავტომატურად ან ხელით გადავამოწმოთ განცხადება; მოვითხოვოთ დამატებითი ინფორმაცია; დროებით დავმალოთ, შევასწორებინოთ ან წავშალოთ წესების დამრღვევი, საეჭვო, დუბლირებული, ვადაგასული ან უკანონო კონტენტი; შევზღუდოთ ფუნქცია ან ანგარიში. გადაუდებელ შემთხვევაში შეზღუდვა შეიძლება წინასწარი შეტყობინების გარეშე მოხდეს.

სადაც შესაძლებელია, მომხმარებელს მივაწვდით მიზეზს და გასაჩივრების გზას. განმეორებითი ან მძიმე დარღვევა შეიძლება ანგარიშის გაუქმების საფუძველი გახდეს.

7. უფასო და ფასიანი სერვისები

ზოგი ფუნქცია უფასოა, ზოგი — ფასიანი. შეკვეთის დადასტურებამდე გამოჩნდება მომსახურების დასახელება, ფასი, ხანგრძლივობა, მოცულობა და დამატებითი გადასახადი. ბალანსის შევსების, VIP/S-VIP განთავსების, წამოწევის, ავტომატური განახლებისა და სხვა ფასიანი სერვისების დეტალები მოცემულია ფასიანი სერვისებისა და თანხის დაბრუნების პოლიტიკაში.

8. მესამე მხარის მომსახურებები

საიტმა შეიძლება გამოიყენოს ჰოსტინგის, გადახდის, SMS/ელფოსტის, რუკის, სოციალური ავტორიზაციის, ანალიტიკისა და რეკლამის მომწოდებლები ან მათ ბმულებზე გადაგიყვანოთ. მესამე მხარის მომსახურებაზე მოქმედებს მისი პირობები და კონფიდენციალურობის წესები. პარტნიორის არჩევისას ვიყენებთ გონივრულ სიფრთხილეს, თუმცა მის დამოუკიდებელ სისტემაზე კონტროლი არ გვაქვს.

9. ინტელექტუალური საკუთრება

GeoArea-ს სახელწოდება, დიზაინი, პროგრამული კოდი, მონაცემთა ბაზის სტრუქტურა, ტექსტები, გრაფიკა და ნიშნები, მომხმარებლის მასალის გარდა, ეკუთვნის GeoArea-ს ან შესაბამის უფლებამოსილ პირს. დაუშვებელია მათი კოპირება, scraping, მასობრივი ჩამოტვირთვა, რევერსული ინჟინერია, სხვა პლატფორმაზე ხელახალი გამოქვეყნება ან კომერციული გამოყენება წინასწარი წერილობითი თანხმობის გარეშე, კანონით დაშვებული გამონაკლისის გარდა.

10. ხელმისაწვდომობა და პასუხისმგებლობა

ვცდილობთ საიტი იყოს უსაფრთხო და უწყვეტად ხელმისაწვდომი, მაგრამ ტექნიკური მომსახურება, კიბერშეტევა, პროვაიდერის შეფერხება ან ფორსმაჟორი შეიძლება დროებით ზღუდავდეს სერვისს. ჩვენ არ ვიძლევით გარანტიას, რომ ყველა განცხადება ან მომხმარებლის ინფორმაცია უშეცდომოა.

კანონით დასაშვებ ფარგლებში GeoArea პასუხს არ აგებს მომხმარებლებს შორის გარიგების შედეგზე, დაკარგულ მოგებაზე ან ირიბ ზიანზე, რომელიც გამოწვეულია მესამე პირის მცდარი განცხადებით. ეს შეზღუდვა არ ვრცელდება განზრახ ან უხეში გაუფრთხილებლობით მიყენებულ ზიანზე და მომხმარებლის იმ უფლებებზე, რომელთა გამორიცხვაც კანონით დაუშვებელია.

11. ანგარიშის დახურვა და მონაცემები

მომხმარებელს შეუძლია მოითხოვოს ანგარიშის დახურვა. დახურვისას განცხადებები გაუქმდება ან ანონიმიზდება, თუმცა კანონით, დავის გადაწყვეტით, ფინანსური აღრიცხვით, თაღლითობის პრევენციით ან უსაფრთხოებით აუცილებელი მონაცემები შესაბამისი ვადით შეიძლება დარჩეს. დარჩენილი ფასიანი სერვისის საკითხი გადაწყდება შესაბამისი პოლიტიკის მიხედვით.

12. ცვლილებები, სამართალი და დავა

წესების არსებითი ცვლილებისას განვაახლებთ ვერსიას და მომხმარებელს სათანადო გზით შევატყობინებთ. ცვლილებამდე დაწყებულ ფასიან შეკვეთაზე მოქმედებს შეკვეთის დროს ნაჩვენები პირობა, თუ კანონი ან მომხმარებელთან შეთანხმება სხვას არ მოითხოვს.

წესებზე ვრცელდება საქართველოს კანონმდებლობა. დავისას პირველ რიგში მოგვწერეთ info@geoarea.ge-ზე. შეთანხმების მიუღწევლობისას მხარეებს შეუძლიათ მიმართონ უფლებამოსილ ორგანოს ან საქართველოს სასამართლოს კანონით დადგენილი წესით.